【Now財經台】兆易創新(03986)昨日(9日)收市後發盈喜，估計中期賺69億人仔，按年大升約11倍，值得留意係，股份將會喺下周一(13日)解禁，股價今日(10日)先升後跌，早段曾升逾6%，高見1000元，但之後走勢逆轉，一度倒插21%，低見742.5元，係咪同市場資金緊張有關？
王道資本及家族資產管理執行董事黃敏碩指，資金緊張唔係單一因素，但就算之後出嘅業績理想，估計市場反應都唔會太大，因為市場開始睇未來，唔再停留喺以往，同埋會聚焦睇返業務上，兆易創新同瀾起科技(06809)、長鑫科技相近，投資者有機會「貪新忘舊」，即追1隻新股而沽兆易創新。
Michael又話，兆易創新股價早已被透支，發盈喜預告交靚業績，但股價不升反跌，除咗因大市氣氛差，股價本身都由逾千元跌到現時約740元，已跌得幾深，如果想買貨，建議過埋呢兩個星期會較好，就算出現反彈，但呢啲消息唔足以撐住股價，後市要睇下守唔守到627元呢個重要位置，相信短期仍要捱沽。
