【輸得甘過暗盤？】同仁堂醫養暴雨下首掛又「潛水」

【now.com財經】雖然本港IPO生意唔憂做，新股市場持續旺場，但唔係隻隻新股首掛都「交到貨」，捲土重來提供中醫醫療服務嘅同仁堂醫養(02667)，今日(7日)登陸港交所(00388)，暗盤昨日(6日)收市跌逾10%，股份今朝首掛仍要「潛水」。

同仁堂醫養開市報4.76元，較招股價5.5元，低逾13%，其後一度低見3.83元，低逾30%，最新報4.06元。若以暫時即市低位計，每手500股，不計手續費，一手帳蝕約835元。