【Now財經台】大快活集團(00052)今日(30日)中午派咗去年成績表，全年多賺近17%，毛利率升至8.7%，收入按年基本持平，派息大增近50%，大快活盤數同月中放榜嘅大家樂集團(00341)差唔多，都係去年下半年業績好過上半年，但大快活股價反應就冇大家樂咁正面，股價午後反覆向下，點解大快活放榜後股價都要跌？
天風國際李偉傑指，大家樂月中出完業績後，公司做回購，派息亦慷概，刺激股價由4元水平抽上約5.5元，當日大快活股價都造好，反映同業間表現理想。
Jason又指，大家樂現金流較強，亦可以做回購，反而大快活冇提及回購計劃，而業績之前已反映咗，不過，雖然大快活呢份業績冇太大驚喜，但交到貨已經算係唔錯。
