【Now財經台】截至早上11時止，過去1小時內《彭博》搜尋量最多港股，依次為地平線機器人(09660)、新世界發展(00017)、濰柴動力(02338)、聯想集團(09992)、石藥集團(01093)。
地平線機器人股價今日(29日)一度抽升近17%，高見4.22元，其實今日成板智駕股都急升，不過，近期智能駕駛及機械人相關股都比較弱，值得留意係，內地自動駕駛公司Momenta(06880)今日開始招股，地平線機器人係咪炒影子效應？
富昌證券聯席董事譚朗蔚指，今日重磅股反彈，稍微利好部分過去較弱勢嘅科技股反彈氣氛，此外，同概念嘅Momenta今日開始招股，好多基石投資者都係大基金，惹嚟一浸短線炒作，6月底有較多新股IPO，而市場會秤高少少同機械人、生物科技及智駕相關嘅板塊。
Stevan又指，地平線機器人今日出現一個較明顯嘅跌浪反彈，但今日嘅反彈唔代表解除晒風險，就算有成交配合，可以彈多兩日，但去到5.4元水平應該有阻力，如果有貨唔好死揸，如果彈上5.4元水平，可以考慮減磅，因為始終係一隻弱勢股，基本因素及業績都做得唔好。
