【Now財經台】截至早上11時止，過去1小時內《彭博》用戶搜尋量最多港股，依次為舜宇光學科技(02382)、新世界發展(00017)、泡泡瑪特(09992)、比亞迪股份(01211)、聯想集團(00992)。
受記憶體晶片成本飆升影響，蘋果公司(Apple Inc.)嘅Mac機、iPad加價，平均加幅約20%，Apple概念股舜宇嘅股價昨日(25日)已急挫，今日(26日)一度再大冧逾14%，低見57.45元，Apple今次突襲式加價，供應鏈股係咪都遭殃？
大華繼顯執行董事梁偉源指，舜宇被市場視為Apple概念股，其實集團來自Apple嘅生意額僅約10%，今次加價令市場擔心Apple產品需求下降，導致供應鏈公司受影響，但佢認為，舜宇股價再大跌係市場反應過度。
Steven又指，睇返基本面，Apple生意額僅佔約10%，比例唔算太大，加上嚟緊嘅iPhone 18係一個里程碑，就算加價，加幅應該唔會好似Mac機咁大，因此，舜宇唔會因為Apple產品加價受到太大影響。
