【Now財經台】舜宇光學科技(02382)昨日(24日)舉行投資者日，分析員今日(25日)出報告後，股價今日一度急瀉逾13%，低見65.85元，份報告真係有咁大殺傷力？點睇舜宇前景？
艾德金融執行董事陳政深指，舜宇管理層提出3大路線，分別係前沿技術及具身智能布居、智慧駕駛及自動駕駛、手機業務，希望説服市場，表達公司可以多元發展，但市場都好清楚，雖然舜宇喺電子消費品方面有成熟嘅供應鏈，但唔代表其他方面都有相同程度，唔係話舜宇一定做唔到，但要時間驗證。
Ryan提醒，舜宇股價要留意兩樣嘢，首先係會唔會跌穿100天線，約63元，其次係短時間內可唔可以收復50天線，約69元，又認為現價處於合理水平。
