【Now財經台】原本由世茂集團(00813)持有嘅東涌喜來登、褔朋喜來登酒店已淪為銀主盤，並由接管人啟動出售程序，其實喺2023年都曾經放售過，今次成功放售機會大唔大？
第一太平首席執行官投資辦資深董事鄭浩賢指，前兩次都係業主主動放售，整個項目規模好大，其實有唔少潛在買家查詢，不過，由業主直接放售彈性冇咁大，酒店喺2020年落成，而香港當年因為疫情原故，2023年第2季先通關，營業表現就唔及依家，所以銀行及接管人見到反應唔錯，就配合世茂接管咗酒店。
佢又話，接管後交易路徑清晰咗，同埋見到酒店喺今年頭5個月嘅按年表現，較之前係有好轉，又認為單Deal可以話「進入直路」。
