【槓桿致勝】騰訊博反彈用貼價CALL

【Now財經台】市傳騰訊控股(00700)考慮出售多家日本遊戲工作室股份，股價今早(24日)一度跌到1年低位，見412.6元，近3個交易日好友接連加倉博反彈，合共有5200萬元流入好倉，一批熱門CALL都屬於遠價，價外幅度20%至40%，有冇近價啲嘅選擇可以博到價個爆發力？

星展香港環球金融市場上市產品策略師鍾宛婷指，如果想博反彈，投資者會傾向揀騰訊，不過，因為騰訊股價已跌至400元嘅邊緣，可能需要做個防守，揀返啲較接近行使價嘅條款，呢類產品貼價之餘，面值都比較細，相對能夠控制到風險。