【Now財經台】新盤市場持續熾熱，發展商亦積極推盤應市，其中，恒基地產(00012)位於紅磡嘅MIDTOWN SOUTH，項目最新一期命名為「映匯」(CHESTER II)，涉及263個單位，而新鴻基地產(00016)旗下元朗新盤就命名為「芊御」(Garden Regency)點睇呢兩個盤嘅銷情？
美聯物業高級董事布少明指，根據過往數據，呢兩個地點嘅樓盤普遍都受歡迎，元朗有北部都會區效應，而「映匯」之前嘅兄弟盤都賣得唔錯，最近一期都接近沽清，除咗用家追盤，亦多咗唔少投資者買嚟收租，佢相信，若呢兩個新盤開價合理，銷情都會理想。
Sammy又話，內地限制境外投資未見對本港樓市有太大影響，例如九龍塘區嘅豪宅交投有價有市，不過，近期中小型樓盤銷情就略為放緩，主要係冇乜大盤開售，加上發展商依家以價為先，未必再追求「一Q清袋」。
