【Now財經台】建滔積層板(01888)股價過去兩日累升近30%，母公司建滔集團(00148)計劃減持建滔積層板，套現逾百億元，建滔積層板今日(17日)低開5%後，走勢反覆，但唔算太受消息影響，昨日(16日)有好友食糊，今朝多唔多好友開CALL做繼續睇好部署？條款方面應該點揀？
中銀國際證券衍生產品部董事朱紅指，建滔積層板係全球最大覆銅板生產商，公司成為市場焦點又係因為人工智能(AI)熱潮，年初開始，覆銅板價格大升逾50%，更出現供不應求嘅情況，帶挈建滔積層板股價由年頭約11元升至現時約90元，估計之前買咗CALL輪嘅投資者，呢兩日都會獲利，亦有少量資金流入淡倉，始終唔少CALL已變咗價內。
Niki又指，若投資者想繼續追CALL，建議小注為主，始終已貴咗好多，如果個價升得唔急或平咗，投資者可以留意建滔積層板嘅PUT，若行使價46元，明年4月到期，槓桿唔會太高，僅約1倍，始終引伸波幅相對較高，如果投資者要入場就要小心。
