【Now財經台】騰訊控股(00700)就24.5億美元及150億人仔離岸債定價，係本港今年最大規模非金融企業融資，但騰訊股價今朝(10日)逆市向上，一度升近4%，高見471元，騰訊股價月初曾見過480元高位，想博出現突破應該點部署？
星展香港環球金融市場上市產品策略師鍾宛婷指，早前騰訊股價跌，係因為微信人工智能(AI)助手未有確實推出時間，但前兩日公布咗最新進展，騰訊股價回調後，喺10天、20天線搵到支持。佢又指，好倉方面，若博騰訊向上突破，可以揀較貼價嘅CALL，行使價約500元，明年6月底到期，實際槓桿做到4倍以上。
淡倉方面，如果認為大市會拖累騰訊，短線睇淡可考慮行使價約400元嘅PUT，11月到期，實際槓桿有6倍以上。
