【Now財經台】機械人股優必選(09880)旗下消費級人形機械人品牌UWORLD推出超仿生人形機械人，首發預訂量6日已累計突破2110台。受消息刺激，股價今日(8日)平開後，一度高見121.3元，升近10%，優必選股價及新產品係咪值得憧憬？
高歌證券金融首席分析師聶振邦認為，優必選過往都係生產工業類機械人，今次民用嘅高仿真度機械人外形，加上能夠提供情感上陪伴，都令市場有更大期望。不過，佢指出，由於呢款機械人續航時間短，亦未有配套做二次開發，意味更新可能去到某個程序就會暫停，因此，會令吸引力打折扣。
股價方面，聶Sir指出，依家半導體股有回軟跡象，加上集團自身利好消息帶動，有望帶動埋港股其他機械人股，因此，佢認為優必選短期可睇高一線，保守嘅投資者可以留意110元水平，較進嘅投資者可以考慮喺120元做部署。
