【Now財經台】截至早上11時止，過去1小時內《彭博》用戶搜尋量最多港股，依次為建滔積層板(01888)、智譜(02513)、XL二南方海力士(07709)、MiniMax(稀宇科技)(00100)及優必選(09880)。
雖然建滔積層板股價今早(8日)低開5.2%，但好快已掉頭回升，愈升愈有，一度飆逾15%，高見57.5元，公司將會喺周四(11日)除淨，末息連特息派0.53元，將會喺6月25日派發，現價入手等收息有冇得諗？
富昌證券聯席董事譚朗蔚認為，受惠於PCB本業高增長、生產技術有突破，以及派特別息等因素，即使股價喺47元水平整固咗一段時間，仍有資金追捧炒起股價。
Stevan續指，雖然建滔積層板抗跌力高過同業，但由於外圍科技股出現震盪，所以唔建議除淨前入手收息，冇貨嘅投資者可留意47元呢個整固位，之後再做部署。
