【Now財經台】受內地發布境外投資新規定影響，內地跨境投資喺香港開戶或受限制，金融股首當其衝，滙豐控股(00005)、渣打集團(02888)都要跌，其中，渣打今日一度重挫5%，低見199.8元，點評估內地收緊境外投資對金融股嘅影響？
亨達財富管理董事總經理姚浩然認為，政策唔會令呢啲公司業務前景大打折扣，現階段仍然睇好，滙控及渣打都力谷財富管理業務，基本上以家族辦公室作主力，而恒生銀行植根喺香港較長時間，唔少華人家族都係恒生嘅客戶，亦解釋咗點解滙控要將恒生私有化。
Patrick又話，跨境投資開戶方面，呢類大型銀行喺組織調查方面都比較審慎，開戶口都會做詳盡嘅查證，因此，佢相信對滙控及渣打業務打擊唔係想像中咁大，只係一個股價下跌嘅導火線，市場借消息推低股價，加上兩隻股份早前已分別創咗52周新高，估計近期只係借勢調整。
