【Now財經台】英國《金融時報》昨日(2日)獨家報道，指騰訊控股(00700)好快就會推出面向中國用戶嘅微信人工智能(AI)助手，刺激股價昨日飆10%。不過，今日(3日)有內媒引述集團人士指，依家未知幾時推出微信AI助手，好大程度上取決於監管審批進度，騰訊股價今日一度挫4.2%。如果根據最新講法，市場仲應唔應該繼續憧憬？
Blue Water Capital投資總監李澤銘認為，騰訊技術上完全有能力推出微信AI助手，只係私隱及權限問題需時處理，加上現時流量入口競爭大，但相信推微信AI助手都係遲早嘅事，而推出後就一定要急起直追。
Alan又話，現時騰訊市盈率(PE)僅13倍，其實係超平，尤其投資者依家追逐AI上游及短線高增長行業，騰訊可提供持續及穩定增長，相信股價中長期仍有較大上升潛力。
