【Now財經台】截至早上11時止，過去1小時內《彭博》搜尋量最多港股，依次為美團(03690)、騰訊控股(00700)、藥明生物(02269)、 新鴻基地產(00016)及中國平安(02318)。
騰訊股價昨日(2日)因市傳快將推出微信人工智能(AI)助手，爆升逾10%，不過，股價今日(3日)一度回套4%，因為有內媒報道，騰訊話仍未確定微信AI助手推出時間，要視乎監管審批進度，騰訊後市點睇？
資深證券分析師彭偉新指，騰訊昨日升勢凌厲，更迫近保力加通道頂部，但昨日收市有25億元資金流走，反映唔少做中線部署嘅投資者見，見到股價升得太急，選擇趁高位獲利減磅，亦反映市場對騰訊前景仍然審慎。
Castor又話，微信AI助手未有確實推出時間，所以市場都唔確定對微信生態圈嘅實質增長貢獻，所以股價昨日爆升，純粹借消息迫淡倉空倉補貨，當後續缺乏新資金追捧時，股價自然會回套。
佢估計，騰訊股價短期未必會跌到前低位，但有機會回落至445元水平，若股價未來1至2個交易日唔再跌，之後先有反彈條件，所以現階段唔使急於喺高位做部署。
