【Now財經台】截至早上11時止，過去1小時內《彭博》搜尋量最多港股，依次為康方生物(09926)、泡泡瑪特(09992)、聯想集團(00992)、建滔積層板(01888)及中國儒意(00136)。
康方生物股價今日(1日)高開逾9%，開市報129元，其後升幅一度擴大至逾12%，高見132.6元，不過，午後走勢逆轉。多家中資藥企喺美國臨床腫瘤學會(ASCO)發布研究成果，其中，康方發布自研嘅全球首創特異性抗體「依沃西單抗」，並獲選喺ASCO主席大會(Plenary Session)發表，係咪可以加強集團未來嘅研發及業務信心？
富昌證券聯席董事譚朗蔚指，康方喺成個生物科技板塊中，仍然係非常弱勢嘅股份。Stevan喺較早前有提及，在整體市況胃納唔就時，科技及生物科技呢啲高BETA板槐都要小心。
Stevan續指，康方股價喺半個月前，明顯向下突破，雖然今朝曾反彈逾12%，但仍未擺脫弱勢，佢又認為，要等康方股價上返125元以上水平，先可以話暫時脫險。
