【Now財經台】戴爾(Dell)上周派完成績後，股價狂飆逾30%，更帶挈埋聯想集團(00992)股價大幅炒上，聯想人工智能(AI)相關收入按年大升80%，伺服器業務增長亦十分強勁，似乎伺服器業務突然成為市場炙手可熱嘅主題，點睇呢個現象，投資者又可以點捕捉呢個機遇？
星展銀行(香港)豐盛私人客戶執行董事鄧威信指，由戴爾強勁嘅業績增長，再到聯想伺服器業務受惠於AI熱潮，成功扭虧為盈，都反映市場對伺服器需求嘅爆炸式增長，喺AI急速發展下，市場對運算力及Data Center需要成為主要推動力。
Wilson續指，喺AI持續發展下，上游晶片已被科技巨企壟斷，而中游嘅伺服器因利潤空間有限，毛利率始終處於弱勢，因此，雖然整體呈上升趨勢，但唔代表盈利都會跟住升。他又提醒，雖然炒怍呢啲主題嘅錢，嚟得好快，亦走得快。
