【Now財經台】騰訊控股(00700)旗下騰訊雲昨日(28日)宣布，推出3款全新人工智能(AI)工具，但股價繼續喺逾1年低位徘徊，今朝(29日)高開0.7%後，走勢反覆，一度低見423.6元。如果想博反彈，唔少熱門CALL都做到6倍至9倍槓桿，但行使價就比較分化，價外10%至40%都有，主要係年底到期，投資者應該點部署？
中信證券國際股權衍生品銷售聯席董事李佳原指，騰訊最近引伸波幅較低，中長年期CALL，價外10%至20%，一般做到7至8倍槓桿。至於短年期CALL就更進取，不過，若投資者認為騰訊彈力未必太強，揀中長年期CALL會更合適。
Sam續指，若睇好騰訊反彈，但唔係做短線部署，就傾向選擇較長年期嘅CALL，例如2027年中到期，行使價500元水平，時間值損耗低之餘，槓桿都做到約5倍。
