【Now財經台】石藥集團(01093)今日(27日)中午派咗第1季成績表，收入按年跌約8%，純利更年跌41%，其中，成藥業務連續8個季度倒退，點睇石藥呢份季績？
元宇證券投資總監林嘉麒指，如果同去年第4季比較，可以話業績有改善，成藥收入持續下跌，市場當然唔滿意，但值得留意係，藥股一般都有一個特點，如果藥品可以較預期早推出市場，又或者種類較特別，唔受內地政策影響，突然見底都唔出奇，所以今次呢份業績見到暫時回穩已經收貨。
美國臨床腫瘤學會ASCO年會將會喺周五(29日)舉行，石藥到時會展示5款在研產品，會唔會成為股價新催化劑？
KK就話，石藥唔係第1年參加ASCO年會，的確有機會幫到股價，加上石藥過去喺腫瘤領域表現一般，市場可以憧憬今次會有技術突破，去年差唔多時間，石藥股價都有反應，雖然股價今日受業績拖累而破底，一度急瀉近11%，低見6.64元，但可以留意之後有咩新消息，令公司基本業務有轉機。
