【Now財經台】截至早上11時止，1小時內《彭博》搜尋量最多港股，依次為小米集團(01810)、聯想集團(00992)、比亞迪電子(00285)、英諾賽科(02577)及二倍南方海力士(07709)。
小米昨日(26日)公布第1季業績，管理層在業績會上提及，記憶體成本上升周期將持續較長時間，升幅亦較大，集團將會透過提高平均售價，抵銷銷量波動性，不過，小米首季智能手機毛利率按季改善1.8個百分點，係咪代表手機加價成功轉嫁成本？
資深證券分析師彭偉新指，睇返依家記憶體價格升幅，以高寬頻記憶體(HBM)為例，已加價逾40%，雖然可以降級使用，但小米為咗穩住市佔率，同埋向市場傳達仍有行業領先地位嘅訊息，無論補貼及轉嫁成本都一定要做。
Castor又話，雖然季績數據跌，但仍好過市場預期，成本轉嫁或多或少紓緩整體盈利壓力，不過，如果HBM再進一步加價，小米硬食成本影響毛利之餘，亦會拖低整體盈利。
佢估計，小米手機銷售未來幾個季度都要跌，值得留意係，小米係以手機收益為主，一旦銷售受影響，集團整體毛利率都要跌。
