【Now財經台】美股晶片股昨日(19日)逆市造好，港股嘅晶片股今日(20日)都逆市升，內地閃存晶片龍頭啟動A股IPO帶動氣氛，中芯國際(00981)係今朝表現最佳藍籌，一度勁升9.7%，高見75.2元，收復近2日失地之餘，更重上20天線，正挑戰10天線，過去5日，中芯係資金流入第2大個股，合共有2230萬元坐貨，中芯股價今日大升，多唔多投資者食糊或追好倉？
法巴上市衍生產品部銷售及市場推廣主管李梓維指，資金呢幾日都睇啱方向，成功部署今日急升，成交量亦非常配合，暫時有逾86億元，如果投資者想現在入市，可以考慮收回價65元，價外11%，槓桿7倍嘅牛證，做過夜部署勝在穩陣，如果睇好晶片板塊，想坐耐啲，例如1至2周，可以揀短身CALL，8月到期，行使價80元，槓桿有6.5倍。
