【Now財經台】中芯國際(00981)第1季僅多賺0.3%，遜預期，但第2季指引有驚喜，預期收入按季最多增長16%，今朝(15日)中芯資金流向有咩變化？好友應該點部署？
中信證券國際股權衍生品銷售聯席董事李佳原表示，近期中芯資金操作相對頻繁，昨日(14日)有逾1000萬元流入，股價今日一度逆市升逾7%，所以部分資金選擇先行食糊獲利係可以理解。不過，喺股價升幅收窄下，都有較多資金重新流入好倉做部署，主要係次季指引有驚喜，過往集團公布業績時，最大考驗往往唔係業績，而係管理層提供嘅下一季指引，今次難得擺脫以往比較保守嘅取態，所以市場普遍反應正面。
投資部署方面，Sam建議留意行使價較貼價嘅條款，9月至10月到嘅窩輪，係依家市場上較主流嘅選擇。
