【Now財經台】截至早上11時止，1小時內《彭博》用戶關注度上升最多港股，依次為信達生物(01801)、毛戈平(01318)、中芯國際(00981)、華虹半導體(01347)、紫金礦業(02899)。
毛戈平股價今日(15日)一度急瀉近17%，低見55.4元，錄得上市以來最大單日跌幅。據《彭博》引述銷售文件顯示，股東毛韜及徐科君合共減持987萬股，較昨日(14日)收市價折讓約2.5%至5%，今早開市前有2筆大手上板，各涉及493.7萬股，合共987萬股，每股成交價63.3元，較昨日收市價折讓5%，成交金額逾6.2億元。
毛戈平喺2024年10月以29.8元上市，去年一度炒上129元，現時股價已「腰斬」，有貨應唔應該跟沽？今朝一度跌穿減持價，但之後喺低位買返上嚟，吸唔吸引到資金撈貨？
天風國際李偉傑認為，毛戈平現價係近年偏低水平，股價持續疲弱之餘，又曾經喺低位折讓配股，市場都唔太受落，雖然今次減持折讓幅度唔大，但仍難免今市場對股價及公司發展前景感到憂慮。
Jason又指，雖然股價今日急插，但後市有機會慢慢回升，要留意集團會唔會出嚟解畫。佢又認為，集團價值其實唔低，只係股價一直冇好表現，導致投資者爭相走貨。
