【Now財經台】東涌106A區住宅地皮將會喺明日(15日)截標，項目鄰近預期2029年開通嘅港鐵東涌東站，點睇呢幅地皮嘅估值？中標發展商又會點發展呢個項目？
萊坊執行董事及大中華區估價及諮詢部主管方耀明估計，呢幅地皮每平方呎樓面地價介乎2000至3000元，較去年新鴻基地產(00016)投得嘅106B地皮地價高約30%。佢又話，地皮鄰近嘅學校及商業配套，未來可以配合東涌東站、港珠澳大橋、屯赤隧道及日後機場等發展，因此，估計中標發展商會主力提供2至3房單位，吸引家庭客。
佢又話，雖然市場睇好住宅樓市，但由於東涌東站2029年才落成，而發展成成熟嘅小區需時，加上仲有其他喺市區嘅地皮可以揀，所以就算有興趣，出價都未會太進取。
