【Now財經台】騰訊控股(00700)旗下騰訊音樂(01698)昨日(12日)出咗季績，首季少賺逾51%至逾20億人仔，按非國際財務報告準則，經調整EBITDA按年升10%，收入逾7%。高盛指，因應訂閱增長放緩下調訊音樂收入及盈利預測，同埋將目標價降至59元，點睇今次份季績？
方德證券高級分析師莫灝楠指，騰訊音樂呢份季績一定係差，但主要問題唔係出現喺今次份業績度，而係上季度的業績報告中，而今次係公司第1次唔向公眾展示活躍用戶數字及ARPU，但作為付費音樂平台，這數據是一個付費平台的重點，始終囊括咗公司大部分的收入來源，即便開始轉型做活動統籌、票務相關工作，但呢類活動與活躍用戶數字並不太相關，唔向市場公布呢類重要數據確實講唔過去。
Casper續指，今次騰訊音樂又或許被汽水音樂影響到，同業競爭加上呢份季績報告嘅問題，都對公司股價有影響。
