【Now財經台】截至早上11時止，過去1小時內《彭博》用戶搜尋量最多港股，依次為快手(01024)、XL二南方海力士(07709)、濰柴動力(02338)、泡泡瑪特(09992)及華潤置地(01109)。
市傳快手計劃分拆旗下影片生成式大模型「可靈AI」(Kling AI)業務上市，目標估值高達200億美元，據摩根大通估算，「可靈AI」目標估值相當於年度化收入10億美元水平，市銷率(PS)20倍，低過已上市嘅大模型營運商如稀宇科技(MiniMax)(00100)。受消息刺激，快手股價今朝(12日)一度爆升逾10%，其後升少大截，係咪代表分拆傳聞唔襟炒？
信達國際研究部助理經理陳樂怡指，市場普遍已預期快手會分拆「可靈AI」，只係未知幾時做呢個動作，同埋未知目標估值會唔會更高。佢又話，快手之前公布「可靈AI」年度化收入，市場最初都有反應，但之後又回歸平淡，過去「可靈AI」喺生成式影片領域一馬當先，但隨著字節跳動(ByteDance)等競爭對手相繼推出相關產品，「可靈AI」未必可以保持領先優勢。
收入方面，Tracy直言仍有下行風險及好大競爭壓力，雖然分拆有助釋放企業價值，但投資者係咪仍願意比呢個目標估值仍有待觀察。
