【Now財經台】截至早上11時止，過去1小時內《彭博》用戶搜尋量最多港股，依次為舜宇光學科技(02382)、快手(01024)、新秀麗(01910)、聯想集團(00992)及泡泡瑪特(09992)。
快手將於月底出業績，市場預期，第1季收入按年跌逾2%，經調整盈利就按年跌逾23%。此外，集團旗下人工智能(AI)模型「可靈AI」近日喺視頻3.0系列模型中，推出原生4K直出功能，係行業第1個原生4K直出視頻模型，新功能潛力有幾大？可唔可以提振市場對公司經營前景嘅信心？
富昌證券聯席董事譚朗蔚表示，過去一段時間，快手嘅產品及技術都未能成為市場焦點，導致股價持續疲弱，「可靈AI」係快手現階段唯一最大亮點，雖然大模型市場競爭激烈，技術易被取代，但「可靈AI」一直對快手嘅盈利及技術提供支持。
投資策略方面，Stevan認為，未必需要聚焦即將出爐嘅業績，隨著「可靈AI」推出新技術，股價有唔錯嘅反彈，若股價可持續企穩52元，相信會出現跌浪回升跡象，投資者可以等快手股價確認企穩再做部署。
