【now.com財經】寧德時代(03750)近期有唔少消息，包括之前配股籌逾390億元，成為「抽水王」，近日又同澳洲能源服務商Zinfra簽MOU，建立戰略合作框架，大行亦睇好「寧王」前景，其中，摩根士丹利更連環送上「祝福」，相隔1個星期，再調高寧德目標價17%，最新睇815元，評級亦上調至「增持」。
寧德股價今年以來累升近30%，再獲大摩送上「祝福」後，股價今日(5日)逆市造好，一度高見659.5元，升4.4%，其後升幅略為收窄，最新報655.5元，若以暫時即市高位計，同大摩最新目標價仍有約19%距離，如果升勢可以Keep到，要「到價」應該唔會係太耐嘅事。
