【Now財經台】中資電訊股相繼派發季度成績表，中國移動(00941)首季營運收入按年增長1%，純利按年跌逾4%，中國聯通(00762)上季收入按年跌0.5%，純利就按年跌17%，內地年初加增值稅後，喺收入近乎冇增長下，中移動、聯通純利齊齊倒退，增值稅嘅影響真係咁大？ 相關影響上季業績係咪已反映晒？點評估全年盈利表現？
耀才證券研究部總監植耀輝指，增值稅由6%上調至9%，對中資電訊商毛利率有一定衝擊，不過，增值稅升幅屬預期之內，相信市場已經消化咗，其實上中移動盈利倒退係受研發開支大增影響，而聯通嘅員工成本亦大升，雖然國際業務收益錄得雙位數增長，但純利仍插水式下滑。
Stanley估計，兩家公司全年業績一定程度上都會受壓，不過，由於投資者對兩家公司業務仍有一定憧憬，所以唔使擔心股價表現。
