【Now財經台】比亞迪電子(00285)股價今日(23日)一度挫逾6%，低見26.44元，見52周低位，集團下周二(28日)就會出首季業績，股價近排跌唔停，係咪反映投資者對呢份業績打定輸數？
艾德金融執行董事陳政深認為，近日比電投資者持續減磅，依家集團主要業務正處於下跌周期，來自人工智能(AI)算力設施相關收入僅佔逾0.5%，都會對業務帶來較大負面影響。佢又提及，雖然內地新能源車銷量仍然唔錯，但行業整體毛利率下跌，壓縮咗供應鏈盈利，所以市場都傾向持觀望態度，導致股價表現較差。
Ryan又話，比電給予市場嘅想像空間唔大，令投資者會睇得較保守，但佢認為，如果股價可以企穩26元，投資者都可以試博佢升返上50天線水平。
