【Now財經台】莎莎國際(00178)今日(15日)公布截至3月底止第4財季數據，莎莎營業額逾12.3億元，按年增長逾30%，期內，香港及澳門線下銷售升近35%，同店銷售則升37%，點睇最新出爐嘅營運數據？
信達國際研究部助理經理陳樂怡表示，莎莎最新出爐嘅營運數據跑贏本港化妝品零售同業，雖然香港零售業有見底跡象，但距離大幅反彈仲有一段距離。
佢續指，由於消費力及旅客結構唔同，令本土消費仍面臨較大挑戰，而港人日常用品消費及各項領域，都出現北上消費、外流嘅情況，所以要留意返今次大幅跑贏同業，係基於自身因素、熱門產品熱賣，還是其他結構性可持續增長因素。
此外，莎莎亦發咗盈喜，預期全年多賺最多1.6倍，股價今早(15日)冇乜動靜，但午後開市秒速抽高，一度高見0.89元，升7.2%，但唔夠5分鐘即「跳崖式」倒插，收市重挫8%。陳樂怡認為，股價今日衝高有驚喜，但後來走勢急速逆轉，所以後市都要小心。
