【Now財經台】內房股繼續處於水深火熱之中，市場仍關注內房債務問題，尤其是萬科企業(02202)，集團曾被指有違約問題，不過，至今仍未見「出大事」，投資者其實係咪唔使太擔心？
廣東省地產商會副會長尹德輝表示，萬科當年喺地產界嘅「榜樣」，除地產業務外，仲做埋地產相關科技，吸引到深圳地鐵等大企業投資，不過，深鐵入股時可能都估唔到「個㝫咁大」，百億百億咁輸。
佢續指，依家萬科情況有好轉，虧損收窄，好彩萬科仍然有靚貨，但股價已經唔可能重上以前高位，佢又做咗一個比喻，依家嘅情況就好當日恒大股價，由30蚊跌到只得返1元，佢相信，萬科股價再暴跌機會唔大，又認為依家先開始追入都唔會出事。
