【Now財經台】有CargoX試點銀行完成首批應用案例，認為項目除有助進一步提高中小企融資審批進度，亦有助銀行做好風險管理。
香港貨品編碼協會總裁林潔貽說:「傳統上，銀行要做一啲融資批核，好多時都係以月份計，至低限度要3個月以上，因為佢要審視文件。」
為解決中小企融資難題，金融管理局旗下商業數據通(CDI)，連接銀行及不同數據平台，實現商業數據共享，簡化中小企貿易融資流程。
作為數據提供方之一，香港貨品編碼協會旗下電子商貿平台已跟CDI對接，令中小企信貸審批時間大大縮短。
林潔貽說:「由開戶去到審批，2個星期已經得，如果已經有銀行戶口，只要數據又冇乜問題，快到即日已經可以批到，做一啲我哋叫Seasonal業務，例如雪糕生意，去做呢個融資去拓展生意咪會好啲。」
建基於CDI平台上，金管局的CargoX項目接入政府實時貨運物流數據，進一步完善數碼基建。
中銀香港(02388)是第1批引入運物局港口社區系統數據的銀行，並已完成試點應用案例，該行認為，項目有助進一步提高中小企融資審批進度，甚至額度。
中銀香港交易銀行部副總經理俞陳平說:「一方面係額度可能會大，第二我哋會適時調整客戶嘅方案，譬如知道佢哋交易對手換咗，或者業務量喺某一個季節升得好快，我哋會相應調整返我哋嘅貿易融資方案 ，呢個係傳統上做唔到。」
除推動中小企融資審批流程數碼化，亦有助銀行做好風險管理。
俞陳平說:「有呢個渠道梗係一個便利性，另一個就係公正客觀好多，畀銀行喺客戶授權情況下，獲得一啲實時可靠嘅數據，呢啲數據可以幫到銀行更加全面掌握客戶成個經營情況，作出更加精準嘅判斷，喺提升對客戶服務質素嘅同時，完成銀行自己嘅風險管理。」
中銀相信，獲取實時貿易數據有助銀行切合本地，或內地企業「出海」過程中的金融服務需求。
