【Now財經台】百度集團(09888)今日(14日)早段一度大升6%，高見114元，重上20天線，其後升幅不斷收窄，百度作為內地人工智能(AI)龍頭之一，股價年初受惠於分拆晶片業務崑崙芯消息，表現強勢。大行普遍預期，分拆會喺今年上半年內完成，今日呢浸升勢係咪又同崑崙芯有關？
元宇證券大中華區股票投資總監趙晞文表示，市場早已嚴陣以待，相關討論一直圍繞崑崙芯潛在分拆時間點，所以投資者焦點落喺分拆時間表有冇進一步消息，同埋係咪按原定計劃喺香港上市，如果落實來港掛牌，會以介紹形式還是集資形式進行。
佢續指，如果係介紹形式，投資者如果本身冇持有百度股份，就要等崑崙芯上咗市先可以再做部署，但如果係IPO形式，就要留意集資額度，同埋會唔會喺IPO前引入其他戰略投資者，投資者都要密切留意。
