【now.com財經】名創優品(Miniso)(09868)旗下潮玩品牌大潮玩國際集團(TOP TOY)，去年9月底首次申請上市失效後，公司已經喺周二(3月31日)再向港交所(00388)遞交主板上市申請，今次TOP TOY捲土重來，希望將集資所得用嚟強化IP營運等，至於係咪可以威脅或挑戰泡泡瑪特(09992)，都要先過到上市審批呢關再觀察。有分析形容泡泡瑪特係典型IP品牌公司，TOP TOY就似一家「潮玩超市」。
不過，呢單消息就幫唔到名創優品股價，今朝(2日)低開後持續受壓。
名創優品低開近1%，開市報32.2元，其後跌幅一度擴大至逾2%，低見31.8元，最新報31.92元。
