【Now財經台】阿里巴巴(09988)股價今日(1日)造好，高開逾3%後，升幅一度輕微擴大，高見123.5元。阿里有唔少熱門牛證槓桿做到10倍以上，但個別條款距離收回價唔夠5%，如果投資者想博反彈，應該點部署？10倍以下槓桿，較短身嘅條款又值唔值博？
中信證券國際股權衍生品銷售聯席董事李佳原指，阿里牛證有10倍槓桿都幾吸引，但投資者要考慮收回風險，值得留意係，喺戰事消息主導下，收回風險較難評估，變相好難計值博率，因此，如果投資者唔想博收回風險，揀返冇收回風險嘅CALL會比較合適。
Sam又話，有近10倍槓桿嘅CALL都有唔少選擇，例如行使價130元至140元，中短身嘅CALL，槓桿有逾7倍至8倍，至少唔使擔心收回風險。
