【Now財經台】截至早上11時止，過去1小時內《彭博》用戶搜尋量最多港股，依次為泡泡瑪特(09992)、美團(03690)、濰柴動力(02338)、石藥集團(01093)及比亞迪股份(01211)。
泡泡瑪特出完業績後，股價慘被洗倉，至今累跌逾30%，集團昨日(26日)動用6億元，回購394萬股，不過，股價今日(27日)早段抽高4%後，曾短暫倒跌，之後只可以靠穩，係咪反映投資者信心仍然唔大？
大華繼顯執行董事梁偉源坦言，單靠回購唔足以推高股價，只能夠提供一啲支持，令股價唔好跌得咁深，最終仍要視乎公司未來發展方向，先有機會令股價回穩。
佢又話，睇返泡泡瑪特呢份成績表，市場都留意到，公司靠單一IP係支持唔到未來增長。雖然公司之前同日本Sanrio玩Cross Over，某程度上可能令前景有返啲憧憬，但仍要睇產品銷售情況，先有機會幫到股價。
Steven又話，經歷近日洗倉後，估計唔少機構性投資者已經沽咗泡泡瑪特持股，而仲有貨嘅投資者有機會做更短線嘅署，佢建議仍想入手嘅投資者唔好睇得太長線，因為呢隻股份主要炒消息。
