【Now財經台】截至早上11時止，1小時內《彭博》搜尋量最多港股，及小米集團(01810)、騰訊控股(00700)、友邦保險(01299)、紫金礦業(02899)及泡泡瑪特(09992)。
小米宣布推出工智能(AI)大模型，小米Mimo-V2-Pro，專為現實世界中高強度AI代理場景而打造，主席雷軍提及，小米嘅AI發展比市場預期快，係咪市場走漏眼？小米股價後市會點行？
香港股票分析師協會副主席曾永堅指，要睇小米喺AI應用方面有幾強勁嘅持續競爭優勢，依家只係比市場一個訊息，原本業務聚焦喺電動車及相關電子設備發展，轉向AI應用發展，要比時間市場消化，逐步將集點轉移至依家資本市場最受歡迎嘅領域。
Jasper又話，始終小米喺過去都擺咗唔少資源喺電動車，同埋維持電子產品核心競爭力，今後又可以放幾多落AI方面發揚光大，都仲要繼續關注，而本業目前利淡多，「內捲」環境競爭激烈，靠AI幫助提升估值仲需時。
技術走勢上，估計短線小米股價仲會受制於40元關口，有阻力，可以睇實30元底部位置，會係短線一大支持位。
