【now.com財經】噚日揀咗隻海油牛(57784)出嚟，皆因見中海油(00883)股價回落返去10天線位置，見日線圖借10天線借得咁靚，又應該無咁快打完仗壓返啲油價落去，故博上游業務比重多嘅中海油踩得住10天線，向上再高走多一次。而呢一注都係預咗要過夜嘅，所以注碼上都要留意一下。(借日線圖唔過夜咁不如用返五分鐘圖做Day Trade)
今朝見恒指ADR條數跌500幾點，作戰室有戰友都不禁講聲「唔通噚日係逃生門?!」完U後見指數跌474點，開市報25,550點，日線圖上見指數重新擺返喺「平底三角形」裡面，又要拎返條250天線做嚟做底線。
作戰室今朝無乜點Plan定出乜倉，只係Mark住咗小時圖條保歷加底線，因為都見指數開市嗰擺位同保歷加底線近，又未見保歷加通道口拓闊，如果陰陽燭出到觸底上行形態嘅話，咁好倉掟出借線踩返上去，做一趟Swing Trade就。
仲有兩分鐘先至10點，等到依家都未決定到出乜注係因為見指數即使出低開高走但指數都係唔上；反而個樣有似等五分鐘圖10線向下落到同指數相遇之後，借整條保歷加通道向下行而再出淡倉咁款；又指數依家企返住喺牛證街貨層呢。
如果見五分鐘圖嘅10/20線擋住指數唔過嘅話，咁恒指熊(60281)，收回價26,150點，同現價有約510點距離，槓桿有約37.2倍，企遠啲但呢個槓桿都可以做到Day Trade，成交亦都見活躍。
講返轉頭，如果隻(57784)過咗噚晚夜而今日係收夠格仔嘅，先走ok架，自己嗰注自己處理返。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
