【Now財經台】布魯可(00325)去年收入按年增長30%，集團更扭虧為盈，刺激股價今日(16日)一度高見73.15元，勁升逾19%，布魯可股價今日抽升，係咪純粹受業績帶動？
大唐資本投資策略部總監盧志明認為，雖然IP板塊係2025年初借布魯可上市嘅勢頭爆出，但半年後因一份業績「露底」，佢又認為，布魯可業績一向比較飄忽，今次的確有驚喜。不過，佢亦指出，雖然集團喺上個月嘅美國玩具展推出逾200款聯乘IP玩具，但由於合作嘅IP對於新一代嚟講比較陌生，所以仍要花功夫去提升玩具嘅吸引力。
佢建議，投資者可留意82元呢個阻力位，要升穿呢個位，先有機會上望95至96元，又認為布魯可股價短線值博空間仍大。
