【Now財經台】港鐵公司(00066)宣布，非經理級員工加薪1.6%至4.8%，將於4月起生效，絕大部分員工亦會獲發最少1.4個月薪金作為特別獎金。
在港有約1.8萬名員工的港鐵，按員工工作表現決定加薪幅度，績效表現攞到5分加薪4.8%，攞到4分加薪3.84%，攞到3分加薪3.2%，攞到2分加薪1.6%，但只得1分就不獲加薪，將於下月起生效。
此外，港鐵下月亦會向工作表現最少攞到3分的員工，按評分發放相當於1.4、1.73及2.07個月薪金，作為特別獎金。
鐵路工會聯合會表示，絕大部分員工最少加薪3.2%。
鐵路工會聯合會發言人林偉強說:「喺今次整個調薪嚟講，雖然略遜同事預期，但都係較為接近我哋工會嘅訴求嘅一次，隨著大氣候嘅轉變，市場將會面對一個通脹壓力，電費或者出去食飯都會加價，所以我哋同事未來1年，將會係過得較為艱辛嘅一年。」
工會又稱，有提出上調夜班津貼，但未獲資方回應，促請資方再考慮。
港鐵資方則表示，一直有聆聽員工就薪酬調整幅度的意見及訴求，未來會繼續透過不同渠道保持緊密溝通。
