【Now財經台】阿里巴巴(09988)最新推出手機版OpenClaw，緊貼人工智能(AI)「龍蝦」熱潮，阿里股價今早(13日)反覆向上，睇好阿里嘅投資者可以點部署？
法興證券上市產品銷售部董事蔡秀虹指，阿里喺過去5個交易日，好倉有3至4日錄得資金淨流入，其中，CALL輪有約1600萬元流入，牛證就有約500萬元流入，雖然揀貼價牛證可以有較大槓桿效應，但由於這類產品有收回機制，喺大市波幅較大下，投資者就要承受較大收回風險。
Eva建議，投資者可以揀收回價距離現貨約7%嘅牛證，槓桿約8至10倍。CALL輪方面，依家較受歡迎係價外少少，年期屬中長期嘅條款，槓桿7至8倍，適合唔同風險承受能力嘅投資者。
