【復牌插水再爆上】毛記葵涌賣盤 陳強及阿Bu套現1.2億

【now.com財經】《100毛》母公司，2018年喺本港主板上市嘅毛記葵涌(01716)，上周五(6日)開市前突然停牌，惹嚟唔少揣測，集團昨晚(12日)正式出通告確認賣盤。

集團其中兩名創辦人陳強及阿Bu將1.76億股，全數售予在內地做環保生意嘅馬黎陽，套現1.2億元，交易完成後，會繼續維持毛記嘅上市地位。

毛記今朝(13日)復牌，低開2.4%，開市報1.18元，其後跌幅一度擴大至逾10%，低見1.08元，但好快就拗腰向上，曾倒升逾31%，高見1.59元，最新報1.52元，仍飆逾25%。