【now.com財經】噚日無揀到貨出嚟，皆因出文時見指數未有方向，又似以五分鐘圖做Swing Trade多嘅，小時圖條10線又遠，所以喺呢度都係選擇休息一日算啦。
今朝指數低開179點，報25,719點，再睇多次小時圖有見指數落到去20/50線，作戰室今日第一注以好倉推出去，博指數低開高走，見著返盞綠燈之後都數住格仔走人。
估唔到開市首半個鐘指數先跌後升再轉返跌，仲要跌返落去開市個，半個鐘內出圓頂仲要支支燭都鬼死咁大支，真係追慢啲都死。
10點後有見指數仍然處於小時圖嘅10線同20/50線之間，今日作戰室追指數出好淡倉都有啲辛苦，因為啲燭真係出晒大陰同大陽，想坐定多一陣都難。
最近都開始有更多油價嘅新聞係「燒到埋身」：更多嘅油站排長龍、油加價、飛機加燃油附加費；更貼心嘅係有議員話政府幫封忙做啲補貼，油價飛，又係中海油(00883)出動嘅時侯。
早排話戰爭即將結束嘅，油價都有一兩日向下回一回，坐返住10天線位置，但真係會咁快完咩？就算戰爭結束，就代表第二日可以埋位去揼油出嚟追返個需求啦咩？
日線圖上見股價比較大部份時間都係借10天線上行，有見佢稍為穿過10線向下到20線位置嘅，咁海油牛(69155)，收回價25元就低於20天線(約26.174元)水平就啱用啦，槓桿有約7.7倍，街貨唔過10%亦活躍。Set以10天線作為下方量度線可以；或者袋住喺袋度等到位時先出都得。
如果玩快走一趟嘅話，依家10點35分見股價踩住五分鐘圖10線再上啦，如同平時Swing Trade好倉嘅做法一樣，10/20線借到再上而出嘅當係進取注；Slow STC(14.3)咪安全注囉
至於點解係中海油而唔係中石油(00857)，主因都係前者嘅上游業務比重較後者多，對油價嘅敏感度比較高啫，唔信你問AI啦。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。 版權所有。
