【Now財經台】國泰航空(00293)今日(11日)中午出咗去年業績，如果拆開上下半年睇，下半年盈利多上半年近1倍，約72億元，上半年僅約36億元，反映去年下半年復甦動力唔錯，主要受咩因素推動？
Blue Water Capital投資總監李澤銘指，主要受季節性因素影響，國泰去年下半年整體利潤好過上半年好，因為有暑假及聖誕節兩個大假期，不論票價或客流量都比上半年好。此外，亦同原油成本有關，油價去年下半年明顯低過上半年，令整體燃油開支成本降低，對業績有直接幫助。
Alan又話，睇返國泰嘅現金情況，市場憧憬為慶祝80周年，集團有機會派特別息，但一次性嘅憧憬對股價長遠表現未必有好大幫助，考慮到今日嘅升幅，同埋昨日(10日)嘅反彈，國泰現價已接近前頂，即14元水平，佢認為上望空間有限。
