【Now財經台】港鐵公司(00066)錦上路站第二期物業發展項目已開始招收意向，地盤總樓面面積約120萬平方呎，係一個商住項目，點睇地皮估值？
泓亮諮詢及評估董事總經理張翹楚指，單純睇投標者揀純住宅或商業權，錦上路二期項目嘅特色商業佔比大，高達36%，如果只計住宅部分，樓面地價會高啲，估計每平方呎5500元，總值逾42億元，如果商住合併計，由於發展商會有更多考慮，回本期又相對長，加上地皮總面積大，估計每平方呎樓面地價約4715元，總值57億元。
佢又話，呎價差異在於發展商選擇投唔投商業地皮嗰部分，同埋港鐵會唔會考慮留返個商場自用。
