【Now財經台】受人工智能代理(AI Agent)Open Claw，內地稱「龍蝦」熱潮影響，騰訊控股(00700)股價今日(11日)高開後，一度升4.4%，高見578元，資金流方面，5日合計，仍有1920萬元坐貨，集團幾日後就會出業績，後市應該點部署？
中銀國際證券衍生產品部董事朱紅指，騰訊股價由前高位回調到500元水平，雖然有反彈，但都只係約10%，而市場睇好整體AI熱潮，建議投資者可順勢而行，CALL輪方面，可以揀得進取啲，行使價約720元，7月到期，槓桿9倍，PUT輪就可以揀行使價約466元，8月到期，槓桿8倍。
