【Now財經台】美國總統特朗普(Donald Trump)暗示戰事好快就會結束，金價喺今朝(10日)亞洲交易時段回穩，喺每盎司5170美元水平上落，金股亦反彈，其中，紫金黃金國際(02259)股價一度升3.8%，高見217.8元，好倉連續3個交易日有資金流出，淡倉就連續兩日有資金流入，紫金黃金股價今朝反彈，有冇吸引好友入場？
花旗上市衍生產品部副總裁麥穎儀指，紫金黃金都係熱門產品之一，集團下周五(20日)就會出業績，隨著地緣政局逐步降溫，資金重新流入黃金相關資產，紫金黃金股價今朝都有得升，見到有資金跟進一啲好倉產品，如果繼續睇好金價，熱門CALL產品槓桿約5倍，今年7月到期，雖然比較價外，但對沖值仍有16%。
