【Now財經台】美以伊戰事發展左右環球投資市場大局，亂局下要精準揀股絕對唔易，近期熱炒嘅電力設備股，例如東方電氣(01072)、哈爾濱電氣(01133)，以及人工智能(AI)相關股濰柴動力(02338)係咪可以繼續睇好？
冠域商業及經濟研究中心主任關焯照表示，由於內地要持續發展AI，AI數據中心需要龐大嘅電力供應，加上有「以舊換新」等政策支持，設備需求較大，所以見到過去幾季，電力設備股表現亮麗，值得留意係，東方電氣依家可以從外國客戶攞到定單，令定單量急增，因此，預期股價未來會持續強勢。
關博士又話，濰柴近年重新專注電力設備業務，加上儲能方面出現突破，尤其氫氣、電池等，令集團嘅電力設備基礎性變強，雖然現時股價相對落後，但相信未來會轉強。
